يا اهل هالمنتدى بشكي بنتكم ،،،

السلام عليكم

شلونكم شخباركم شمسوين عساكم بخير ؟؟ شمسوين ويا السكول والاختبارات وذي الله يوفقكم ان شاء الله ويوفقني اول شي

والله انا توني اليوم يت لي رساله على الايميل جان ابطلها جان اقراها الا محطوط فيها نك المنتدى جان ادشه جان اقعد اتمقل فيه جان يعجبني جان اقرر اني اسجل
جان اروح صوب تسجيل _ وراكم شي انتو _ واقره الشروط وكلشي واسجل وذي وذاك اخرتها يطل لي هالايميل موجود !!!!!!!!!!

شالسالفه يا ولد الحلال هذي ايميلي ابي اسجل فيه من بايقه ومشارك فيه مني مناك مو راضي جان اشغل مخي عشان جذي تعبت شوي بس معليه
جان اطق نسيت كلمة المرور جان اكتب ايميلي وذي الا طرشلي رساله على الايميل مني مناك طلع اني مشارك في ذي المنتدى !!! شلون شالسالفه مادري خبركم انا امشي واسجل ولادري شالسالفه بس وتوني مكتشف هالاكتشاف يعني واخرتها انصميت انه ماعندي مشاركه فعشان جذي قلت لازم ترحبون فيني وذي عشان اتحمس واشارك عدل مدل ،،،،،،،

وبس يله يعني اذا ماعليكم امر رحبو في حبيبي وبعد جبدي والله احسن واحد في العالم ( عاشق كرستيااانو ) الي اهوه انا وطبعا من احين احذركم لحد يجرب صوب كرستيانو حبيبي انا معليه كفخوني سو الي تبون تسوونه بس كريس لا هههههههه

وي نسيتوني الله يغربل بليسكم كنت باقولكم سالفة العنوان
هذي الله يسلمكم في وحده ملوعه جبدي وانا توني مسجل في المنتدى شكلها يعني بتكرهني فيه وابيكم تجوفون لي دبره معاها من احين قبل لاتكبر السالفه
السالفه ومافيها وانا اجيك الاقسام لفتت نظري وحده مللتني عيزت وانا ابي اسكتها مب راضيه ابي اصيدها مب قادر لوعت جبدي اخرتها ايست طبعا انا اقصد الفراشه الي تتحرك مع الماوس عيزت وانا العب صيده معاها كله اهيا تفوز مب حاله جذي !!!!!!!
وبس يله سي يو شعبنا الكريم
اورفوار

ههههههههه

هلابك خيوو ويانا نورت المنتدى والله

وانشالله تفيد وتستفيد

هلا فيكم حبايبي تسلمون والله ماتقصرون من طيبكم

وان شاء الله اكون عضو خفيف عليكم

اخوووكم